Liebesgschicht im Konjunktiv; Katharina Berger

Añadido: Jul 23, 2008

De: Flatterfrauch

Duración: 3:59

Chanson in Berner Mundart Lyriks E Liebesgschicht im Konjunktiv mit vilne Fragezeiche Mit: I sött, i würd, i wetti irgendwie Probiere üs per sms drümal am Tag z erreiche I richte mi scho irgendwie im Warte gmüetlech y We mir üs hätte troffe, scho-n-es paar Jahr vorhär - mir hätte all di Narbe no nid gha Doch wär söll vo üs scho wüsse, was denn abgange wär Mit hätte üs wahrschynlech eifach links lah stah Doch weni chönnt, i würdi Und weni wett: I chönnt Irgendwenn, irgendwo, irgendwie Dis Füür, di Wermi z gniesse Halt solang, wi si brönnt I müessti nur der Muet ha itz u hie... E Liebesgschicht im Konjunktiv mit vilne alte Zwyfel We d Distanz nid wär, läg's viellech würklech drinn Doch dini Wält u mini Wält "sind leider zwei Paar Styfel" U dr Übermuet vo vor drizäh Jahr ha-n-i nümm. Hei beidi Wünsch u Bilder wo nid ganz zäme stimme U ou Lydeschaft wird irgendeinisch chalt Me müessti nur dra gloube, dä Steilhang wär z erklimme... Bini für di grossi Liebi eifach z alt? Doch weni chönnt, i würdi Und weni wett: I chönnt Irgendwenn, irgendwie, irgendwo I zündeti es Füür aa Wo viellech ewig brönnt I müessti nur, was wetti gscheh, lah cho... Die Liebesgschicht im Konjunktiv Het mi scho ziemlech packt Doch wohntisch du ganz nach bi mir U wär ig jede Tag bi dir Mir giengte üs viellech scho gly nur no ufe Sack Es wär so schön du blybtisch ou einisch bis am Morge I müesst dir nümm go winke z'nacht am zwöi I würdi mir äxtra für di e Espresso-Chocher bsorge U wäri dir ganz sicher hütt u immer tröi Denn weni chönnt, i würdi U weni wett, i chönnt Irgendwie, irgendwo, irgendwenn Bruuchsch d Wunde ja nid z läcke Nid bevor si brönnt Cha geng no säge i hätt's gwüsst gha denn... (c)Katharina Berger 2005

Categoría: Music

Tags: chanson  folk  liebeslied  liedermacher  manimatter  mundart  troubadour 

Rating: 5.00 (4 ratings)    Visto: 128' favoriteCount='1    Comentarios: 1